இன்றைய வரலாறுகாசநோய்க்கு காரணமான பாக்டீரியா(Bacillus) அறிவிக்கப்பட்ட தினம் இன்று ராபர்ட் ஹென்ரிச் ஹென்மென் கோச் ஜெர்மனியின் ஹானோவரில் உள்ள கிளாஸ்தல் எனும் இடத்தில் 1843-ஆம் ஆண்டு டிசம்பர் 11-ல் பிறந்தார். உயிரியல் வல்லுரான ராபர்ட் கோச் 1882-ல் காசநோய்க்கு காரணமான தொற்றுநோய் நுண்ணுயிர் பாக்டீரியாக்களை அவரின் புதிய தொழில்நுட்ப உதவியடன் கண்டறிந்து தனிமைப்படுத்தினார். மேலும் காலரா, ஆந்த்ராக்ஸ் போன்ற நோய்களுக்கான தொற்றுக் காரணிகளையும் கண்டுபிடித்தார். இதன் காரணமாக ராபர்ட் கோச் நவீன நுண்ணுயிரியல் ஆய்வின் முன்னோடி என்று அழைக்கப்படுகிறார். மருத்துவ நுண்ணுயிரியலில் ராபர்ட் கோச் உருவாக்கியுள்ள நான்கு நிலையான கொள்கைகள் இன்றும் பயன்பாட்டில் உள்ளது. 1905-ஆம் ஆண்டு காசநோய்க்கு காரணமான பாக்டீரியாவை கண்டறிந்ததற்காக மருத்துவத் துறைக்கான நோபல் பரிசு வழங்கப்பட்டது.
நன்றி :- YENI - ஏணி
